2022 jylǵy qysqy Olımpıada ótkizýge úmitkerler tiziminde tek Almaty men Beıjiń ǵana qaldy
ASTANA. QazAqparat - Norvegııa Osloda 2022 jylǵy qysqy Olımpıada oıyndaryn ótkizýge bergen ótinishin qaıtyp aldy, dep habarlaıdy R-Sport.
Buǵan úkimettiń tıisti qarjylyq kepildeme berýge daıyn emestigi sebep bolyp otyr. Oslonyń qarjylyq qoldaý kórsetý jónindegi ótinishine sársenbi kúni Norvegııanyń konservatıvtik partııasy qarsy daýys berdi.
Halyqaralyq Olımpıadalyq komıtet (HOK) shilde aıynda Oslo, Almaty (Qazaqstan) jáne Beıjińdi (Qytaı) 2022 jylǵy Olımpıadany ótkizýge úmitker etip bekitken edi.
Budan buryn Stokgolm (Shvetsııa), Krakov (Polsha) jáne Lvov (Ýkraına) Oıyndardy ótkizýden bas tartqan bolatyn.
Eske sala ketsek, Olımpıada astanasy 2015 jylǵy jazda Malaızııada belgili bolady. 2014 jylǵy qysqy Olımpıada oıyndary Sochıde ótse, 2018 jylǵy astanasy oktústikkoreıalyq Phenchhan bolyp otyr.
