2022 jylǵy fýtboldan Álem chempıonatynyń fınaldaǵy oıyndary qysta ótetin boldy
ASTANA. QazAqparat - FIFA basshylyǵy 2022 jyly ótetin fýtboldan Álem Chempıonatynyń fınaldaǵy oıyndaryn Katarda jaz aıynda emes, qysta 18 jeltoqsanda ótkizý týraly sheshim qabyldady, dep jazady VVS agenttigi.
Buǵan deıin FIFA keńsesinde Katar elinde jazda, aptap ystyq kezinde oıyndar ótkizý múmkin emestigi kóterilgen. Sonymen qatar, Reseıdiń Sport mınıstri Vıtalıı Mýtko da chempıonat merzimi 28 kúnge deıin qysqaryp, qarasha-jeltoqsan aılarynda ótýi múmkin ekenin aıtqan. Týrnırdiń naqty ýaqyttary áli anyqtalǵan joq.
