2022 jylǵy álem chempıonaty Fınlıandııada ótkiziledi
NUR-SULTAN. QazAqparat - Shaıbaly hokkeıden 2022 jylǵy álem chempıonaty Fınlıandııada ótkiziledi, dep habarlaıdy QazAqparat tilshisi.
Dúbirli doda 2022 jyly 13-29 mamyr aralyǵynda sol eldiń Helsınkı jáne Tampere qalalarynda ótkiziledi. Onda barlyǵy 16 qurama baq synaıdy.
Eske salsaq, aldaǵy jyly da bıyl synǵa túsken quramalar qatysady. Koronavırýs ınfektsııasyna baılanysty birinshi dıvızıondaǵy irikteý oıyndary ótkizilgen joq. Sondyqtan bıyl álem chempıonatynyń elıtalyq dıvızıonda oınaǵan quramalar tolyqtaı ornyn saqtap qaldy.
Aıta keteıik, bıyl Eýropadan - Belarýs, Ulybrıtanııa, Germanııa, Danııa, Italııa, Latvııa, Norvegııa, Reseı, Slovakııa, Fınlıandııa, Chehııa, Shveıtsarııa, Shevetsııa, Soltústik Amerıkadan - AQSh pen Kanada, Azııadan - Qazaqstan quramalary qatysty.
Búgin Latvııada 2021 jylǵy álem chempıonaty fınaly men úshinshi oryn úshin oıyndar ótkiziledi.
Fınalda Fınlıandııa men Kanada quramalary muz aıdynǵa shyqsa, úshinshi oryn úshin AQSh pen Germanııa quramalary talasady.
