2022 jylǵa qaraı shıkizat emes eksporttyń úlesi 1,5 ese ósýi tıis - Serik Qusaıynov
Eksport úshin mańyzdy elder bestiginde birinshi orynda Qytaı tur.
- Búgingi forýmda standarttaý salasy qazaqstandyq kompanııalarǵa, kórshi memlekettegi bıznes-seriktesterge qandaı járdem kórsete alatyny talqylanady. Kórshi mekleketter ishindegi eń úlkeni - Qytaı, sondyqtan elimizdegi óndirýshiler ol jaqqa qandaı ónimder ótkize alatynyn taldap, tujyrym jasaımyz, - deıdi QR IIDM Tehnıkalyq retteý jáne metrologııa komıteti tóraǵasynyń orynbasary Serik Qusaıynov.
Ulttyq eksport strategııasyn damytý sheńberinde shıkizattyq emes eksporttyń úlesi 2022 jylǵa qaraı 1,5 ese ósýi tıis.
- Qytaıǵa taýar ótkizý óte qıyn, sol sebepti olardyń zańnamasyn durystap talqylaýymyz kerek. Qazirgi tańda elimizde keremet taýarlar shyǵarylyp jatyr. Prezıdent Joldaýynda aıtylyp ótkendeı, shıkizat emes, daıyn taýarlardy ótkizý máselesi kóterilip jatyr, - deıdi Serik Qusaıynov.
Saýda jáne ıntegratsııa mınıstrligi Saýda jáne syrtqy saýda qyzmeti salasyndaǵy memlekettik basqarýdyń tıimdiligin arttyrý, shıkizattyq emes taýarlar men qyzmetterdiń eksportyn damytý jáne ilgeriletý jónindegi mindetterdi shoǵyrlandyrady. Dúnıejúzilik standarttar kúnin merekeleý QR damýynyń strategııalyq mańyzdy vektory - eksportqa nazar aýdarýǵa múmkindik berdi.
Avtor: Zarına Qaharman