2022 jylǵa qaraı Qazaqstanda fýtbol oınaıtyn balalardyń sany eki esege artady
ASTANA. QazAqparat -2022 jylǵa qaraı Qazaqstanda fýtbol oınaıtyn balalardyń sany eki esege deıin artatyn bolady. Búgin Qazaqstan Fýtbol federatsııasynyń HІІ konferentsııasy barysynda federatsııa basshysy Erlan Qojaǵapanov «Fýtboldy damytýdyń 2016-2022 jyldarǵa arnalǵan baǵdarlamasy» jobasyn usyndy. Bul týraly Federatsııasynyń baspasóz qyzmetinen habarlady.
Baǵdarlama jobasynda balalar men jasóspirimder fýtbolyn damytýǵa erekshe nazar aýdarylyp otyr.
«Negigzi mindet retinde biz fýtbol oınaıtyn balalardyń, sondaı-aq balalardy jattyqtyrýshylar sanyn artyrýdy qoıyp otyrmyz. Buǵan sáıkes, 2022 jylǵa qaraı elimizde fýtbolmen aınalysatyn balalar sanyn eki esege, atap aıtqanda, búgingi 386 myńnan 750 myńǵa jetkizýdi maqsat etemiz», - dedi E.Qojaǵapanov.
Bul rette Federatsııa basshysy elimizdegi klımattyq eerkshelikterdi eskere otyryp, jabyq fýtbol alańdarynyń sanyn da kóbeıtý qajettigin alǵa tartady. Sonymen qatar fýtbol klýbtarynyń ınfraqurylymyn jaqsartýǵa da nazar aýdarylyp otyr.
«Taǵy bir mańyzdy másele - fýtboldy kommertsııalandyrý. Bul mindetti sheshý aıasynda biz oıyn stadıondaryna talapty qatańdatamyz. Sporttyq ınfraqurylymdy jaqsartý úshin Federatsııa memlekettik-jeke menshik áriptestik qaǵıdatyna júginedi, sheteldik ınvestorlar tartýdy da qoldaıtyn bolamyz», - dedi ol.
