2022 jylǵa deıin elimizde 7 myń shaqyrymnan astam jol aqyly bolady
ASTANA. QazAqparat - 2022 jylǵa deıin elimizde 7 myń shaqyrymnan astam jol aqyly bolady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Parlamenti Májilisiniń depýtaty Samıǵolla Orazov málim etti.
«Menińshe, 2022 jylǵa deıin 7 myńnan astam avtomobıl joly aqyly bolady. Bul respýblıkalyq mańyzdaǵy barlyq joldyń shamamen 30 paıyzyn quraıdy», - dedi ol. Onyń atap ótýinshe, atalǵan aqyly joldardyń barlyǵy eski joldardy jaǵyrtý ne bolmasa jańa joldar salý esebinen júzege asyrylady. Olardyń barlyǵy da 1-2 sanattaǵy 4 jáne 6 jolaqty joldar bolady. «Bul rette, eń bastysy asyra silteýshilikke jol bermeý qajet. ıAǵnı, atalǵan joldardyń boıynda turatyn halyqtyń zııan shekpegeni óte mańyzdy», - dedi depýtat. Sonymen qatar S.Orazov jol júrý qunynyń da qoljetimdi bolýy mańyzdy ekendigin basa aıtty. «Shekten tys jol júrý qunyn arttyrmaý kerek. Ol joǵary bolsa, tranzıttik júk Qazaqstandy tys aınalyp ótetin bolady. Jalpy, elimizde salynyp jatqan joldardyń barlyǵy da tranzıtke arnalýda», - dedi ol.
