2022 jyldyń jeltoqsan aıynda valıýta naryǵyndaǵy ahýal qandaı boldy
AQSh dollary boıynsha suranys pen usynystyń teńgerimdi bolýyna baılanysty 2022 jylǵy jeltoqsanda teńgeniń bırjalyq baǵamy 1 AQSh dollary úshin 460,58–473,51 teńge aralyǵynda ózgerip otyrdy.
Jeltoqsanda kvazımemlekettik sektordyń valıýtalyq túsimin satýy (328,7 mln AQSh dollary) jáne Ulttyq qordan respýblıkalyq bıýdjetke transfertterdi konvertatsııalaýy (461 mln AQSh dollary) valıýta naryǵynda qosymsha usynysqa yqpal etti. Valıýtalyq ınterventsııalar júrgizilmedi.
Teńge-dollar valıýta juby boıynsha operatsııalardyń jalpy kólemi 10,9 mlrd AQSh dollaryna deıin a/a 11,3%-ǵa tómendedi (j/j 26,0%-ǵa tómendeý), bul rette Qazaqstan qor bırjasyndaǵy bırjalyq saýda-sattyq kólemi 3,0 mlrd AQSh dollaryna deıin a/a 1,5%-ǵa ósti.
Qarashamen salystyrǵanda halyq tarapynan shetel valıýtasyna suranys artty. Jeltoqsanda halyqtyń shetel valıýtasyn netto-satyp alýy 264,3 mlrd teńgege deıin a/a 18,3%-ǵa ósti.
Shyǵystardyń negizgi kólemi 89,1% nemese 235,3 mlrd teńge – AQSh dollaryn, 2,3% nemese 6,0 mlrd teńge – Reseı rýblin jáne 8,5% nemese 22,5 mlrd teńge – eýrony satyp alýǵa baǵyttaldy. Jeltoqsanda Reseı rýblin netto-satyp alý a/a 2 ese ósti (tómendeý j/j 13,2 ese).
Valıýta túrleri boıynsha bólgende AQSh dollaryn netto-satyp alý a/a 15,0%-ǵa ósti (tómendeý – j/j 37,8%), eýrony netto-satyp alý 44,2%-ǵa ósti (tómendeý j/j 28,6%).