2022 jyldyń birinshi toqsanynda 30 mln tonna kómir óndirildi
Óndirilgen kómirdiń 16,7 mln tonnasy energetıkalyq kompanııalarǵa, 2,2 mln tonnasy ónerkásiptik kásiporyndarǵa jóneltildi. Kommýnaldyq-turmystyq qajettilikterge jáne halyqqa 2,4 mln tonna kómir tıeldi. Kómir eksporty 8,6 mln tonnany qurady.
Oblystar men qalalar ákimdikteriniń derekteri negizinde, QR Indýstrııa jáne ınfraqurylymdyq damý mınıstrligi, 2021-2022 jyldarǵa arnalǵan kommýnaldyq-turmystyq qajettilikter men turǵyndar úshin kómir ónimderiniń qajettilik josparyn qalyptastyrǵan.
Josparǵa sáıkes, osy kezeńde tutyný kólemi 9,336 mln tonnany quraýy tıis (kommýnaldyq-turmystyq sektorǵa – shamamen 3 mln, halyq úshin-6,3 mln tonna). Jergilikti atqarýshy organdardyń málimetteri boıynsha, óńirlerden 9,338 mln tonna kómir ákelindi. ıAǵnı, josparlanǵan kólemniń 100% - y.
Kelesi jylytý maýsymyna daıyndyq úshin Mınıstrlik 2022-2023 jyldarǵa arnalǵan uqsas jospardy ázirledi. Qujat barlyq oblystardyń jáne Nur-Sultan, Almaty, Shymkent qalalarynyń ákimdikterine jiberildi.
