2022 jyldan bastap statsıonarlyq medıtsınalyq kómek kólemin bólý avtomattandyrylady

NUR-SULTAN. QazAqparat – 2022 jyldan bastap statsıonarlyq jáne statsıonardy almastyratyn medıtsınalyq kómek kólemin bólýdi avtomattandyrý josparlanǵan. Bul jaıynda Májilis depýtattarynyń saýalyna QR Premer-Mınıstri Eraly Toǵjanovtyń jaýabynda aıtylǵan, dep habarlaıdy QazAqparat tilshisi.

«2022 jyldan bastap statsıonarlyq jáne statsıonardy almastyratyn medıtsınalyq kómek kólemin bólýdi avtomattandyrý josparlanǵan. Memleket basshysynyń 2023 jylǵa qaraı medıtsına qyzmetkerleriniń jalaqysyn ekonomıkadaǵy ortasha jalaqydan 2 ese arttyrý jónindegi tapsyrmasyn oryndaý maqsatynda biryńǵaı ádis ázirlendi. Oǵan sáıkes, aılyqty arttyrý laýazymdyq jalaqy koeffıtsıentine tıisti túzetýlerdi engizý jolymen júrgiziledi», delingen Eraly Toǵjanovtyń jaýabynda.

Úkimet basshysynyń atap ótýinshe, densaýlyq saqqtaý sýbektilerin tólem jasaý erejesine sáıkes, 2021 jyldyń qańtarynda Áleýmettik medıtsınalyq saqtandyrý qory jetkizýshilerdiń kelisimimen kelisimshart somasynyń 30-50 paıyzy mólsherinde avanstyń tólem jasady.

«Avanstyńtólemniń jalpy somasy 319 mlrd teńgeni nemese medıtsınalyq uıymdardyń ortasha eseppen 3 aılyq qajettiligin qurady. Osylaısha, medıtsına uıymdary qarajatty durys jaratqan jaǵdaıda aǵymdyq shyǵyndaryn qarjylandyrýda, onyń ishinde jalaqy tóleýde problema týyndamaıdy», - dedi Premer-Mınıstrdiń orynbasary.