2021 jyly zergerlik buıym satýshylar 4,5 mlrd teńge salyq tóledi
«Ekonomıkalyq qyzmet túrleriniń jalpy jikteýishi (EQJJ) 2024 jylǵa deıin qoldanylady jáne Eýropalyq ekonomıkalyq qoǵamdastyqtyń ekonomıkalyq qyzmet túrleriniń statıstıkalyq jiktemesin (NACERev.2.) eskere otyryp ázirlendi. Zergerlik jáne osyǵan uqsas buıymdar óndirisi EQJJ 32.12 kodymen belgilengen jáne baǵaly metaldar jalatylǵan baǵaly nemese jartylaı baǵaly tastardan nemese baǵaly metaldar men baǵaly nemese jartylaı baǵaly tastarmen nemese basqa da materıaldarmen úılesken zergerlik buıymdar óndirisiniń synyptyq tarmaǵyn qamtıdy», - dep jazdy Álıhan Smaıylov jaýapta.
Onyń aıtýynsha, arnaıy mamandandyrylǵan dúkenderde saǵattar men zergerlik buıymdardyń bólshek saýdasy EQJJ 47.77 kodymen jáne saǵat pen zergerlik buıymdardyń kóterme saýdasy EQJJ 46.48 kodymen belgilengen. Osylaısha, joǵaryda atalǵan jalpy jikteýishter qymbat metaldar men asyl tastardan jasalǵan zergerlik buıymdardy óndirý jáne satý boıynsha osy ekonomıkalyq qyzmet túrin jikteýge múmkindik beredi.
Aqparatta aıtylǵandaı, salyq tóleýshiler sany EQJJ boıynsha mynadaı salalarda kórinis tapqan: 1) zergerlik buıymdar men oǵan uqsas buıymdar óndirisi (2017 jyly – 186 adam, 2018 jyly – 200 adam, 2019 jyly – 216 adam, 2020 jyly – 211 adam, 2021 jylǵy 9 aıda – 197 adam); 2) saǵat jáne zergerlik áshekeılerdiń kóterme saýdasy (2017 jyly – 70 adam, 2018 jyly – 74, 2018 jyly – 2019 – 80, 2020-73, 9 aıda 2021-79); 3) saǵattar men zergerlik buıymdardy bólshek saýdada satý (mamandandyrylǵan dúkenderde – 2017 jyly 1230 adam, 2018 jyly – 1343, 2019 jyly – 1419, 2020 jyly – 1427, 2021 jyldyń 9 aıynda – 1289).
«2017 jyly joǵaryda atalǵan sanattaǵy adamdardan bıýdjetke jalpy 2,5 mlrd teńge salyq tústi, onyń ishinde QQS – 1,5 mlrd teńge. 2018 jyly – barlyq salyq 3,2 mlrd teńge bolsa, onyń ishinde QQS – 1,8 mlrd teńge, 2019 jyly barlyq salyq – 4,3 mlrd teńge, onyń ishinde QQS – 2,4 mlrd teńge, 2020 jyly barlyǵy 4 mlrd teńge salyq túsken, onyń ishinde QQS 2,7 mlrd teńge, bıylǵy 9 aıda barlyǵy 4,5 mlrd teńge salyq tústi, bul bıýdjetke QQS túsiminiń aıtarlyqtaı artqanyn kórsetedi», - dedi Premer-mınıstrdiń orynbasary.