2021 jyly memlekettik balansqa 28 ken orny qoıyldy

NUR-SULTAN. QazAqparat – 2021 jyly alǵash ret memlekettik balansqa 28 ken orny qoıyldy. Bul týraly QR Ekologııa, geologııa jáne tabıǵı resýrstar vıtse-mınıstri Talǵat Momyshev aıtty, dep habarlaıdy QazAqparat tilshisi.

«Jer qoınaýyn paıdalanýshylar esebinen júrgizilgen geologııalyq barlaý jumystarynyń nátıjesinde 2021 jyly alǵash ret memlekettik balansqa 28 ken orny qoıyldy. onyń ishinde: kómirsýtek ken orny, 13 qatty paıdaly qazba ken orny, 8 jerasty sý ken orny bar», - dedi ol mınıstrliktiń alqa májilisinde.

Vıtse-mınıstrdiń aıtýynsha, «Ult jospary - bes ınstıtýtsıonaldyq reformany iske asyrý jónindegi 100 naqty qadamnyń» 74-qadamyn iske asyrý aıasynda qatty paıdaly qazbalar bóliginde Qazaqstan CRIRSCO-ǵa kirdi. KAZRC qaýymdastyǵy jáne jer qoınaýynyń táýelsiz sarapshylarynyń kásibı qoǵamy quryldy.

«Osylaısha, qatty paıdaly qazbalar bóliginde eseptilik standarttarynyń halyqaralyq júıesine kóshý júzege asyryldy. Alaıda belgili bir qaýipter bar, mysaly: jer qoınaýyn zertteý men paıdalanýdyń keshendi tásilin buzý, memlekettik bıýdjetke túsimderdiń azaıýy», - dedi Talǵat Momyshev.