2021 jyly memleket bıýdjetine 10,7 trln teńge salyq tústi - Qarjy mınıstrligi
Bul týraly QazAqparat QR Qarjy mınıstrliginiń baspasóz qyzmetine silteme jasap habarlaıdy.
Mınımtrlik taratqan derekterge qaraǵanda, respýblıkalyq bıýdjet 102,1% oryndaldy (jospar boıynsha 6 913,8 mlrd.teńge, 144,1 mlrd. teńgege asyra oryndaýmen 7 057,9 mlrd. teńge tústi), 2020 jylmen salystyrǵanda 26,6% nemese 1 482,1 mlrd. teńgege ósti.
- Jergilikti bıýdjet 106,8% oryndaldy (jospar boıynsha 3 433,1 mlrd.teńge, 233,3 mlrd. teńgege asyra oryndaýmen 3 666,4 mlrd. teńge tústi) 2020 jylmen salystyrǵanda 22,8% nemese 681,0 mlrd. teńgege ósti.
2020 jylmen salystyrǵanda respýblıkalyq bıýdjetke túsimder ósiminiń eń kóp somasy munaıǵa salynatyn korporatıvti tabys salyǵy boıynsha 533,7 mlrd. teńgege nemese 34,2%, eksporttyq keden bajdary boıynsha 441,0 mlrd. teńgege nemese 1,8 ese, EAEO elderinen ımportqa qosylǵan qun salyǵy boıynsha 235,8 mlrd. teńgege nemese 34,7%, úshinshi elderden ımportqa qosymsha qun salyǵy boıynsha 149,3 mlrd. teńgege nemese 23,1% jáne paıdaly qazbalardy óndirý salyǵy boıynsha 116,8 mlrd. teńgege nemese 35,1% boldy.
Túsimderdiń ósýine mynadaı faktorlar áser etti.
2021 jyly 2020 jylmen salystyrǵanda negizgi eksporttyq pozıtsııalarǵa baǵanyń ósýi baıqalady, onyń ishinde munaıǵa 68,7%, mysqa 50,8%, alıýmınııge 44,2%, myryshqa 32,2%, kúmiske 22,5%, qorǵasynǵa 20,4% jáne altynǵa 1,7%. Munaıǵa salynatyn kedendik áketý bajynyń mólsherlemesi 69,2%-ǵa ósti (2020 jyly 1 tonnaǵa ortasha mólsherlemesi – 37,9$, 2021 jyly 1 tonnaǵa – 64,2$).
Úshinshi eldermen taýar aınalymy 2021 jyly 2020 jylmen salystyrǵanda 14,1%-ke ósti (eksport 25,8%-ke ósti, ımport 6,2%-ke tómendedi).
2021 jyly 2020 jylmen salystyrǵanda ótkizý boıynsha aınalym 58,7%-ke ósti (93 231 mlrd. teńgeden 147 991 mlrd. teńgege deıin).
2021 jyly bir salyq tóleýshige onlaın baqylaý-kassa mashınalarynan ortasha túsimi 16,6%-ke ósti (38,3 mln. teńgeden 44,7 mln. teńgege deıin).
