2021 jyly Qazaqstanda ýchaskelik ınspektorlar sany kóbeıedi

NUR-SULTAN. QazAqparat – Bıyl ýchaskelik ınspektorlar sany ulǵaıady. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat tilshisi.

«Jurtqa jaqyn polıtsııa» qaǵıdatyn iske asyrý úshin 2021 jyldyń ózinde ýchaskelik ınspektorlardyń sanyn ulǵaıtý, ýchaskelik polıtsııa pýnktteriniń jelisin damytý josparlanyp otyr. Olardyń ornalasatyn jeri halyqtyń tyǵyzdyǵyn eskere otyryp tańdalady. Budan basqa, osy qyzmettiń materıaldyq-tehnıkalyq bazasy edáýir nyǵaıyp, ýchaskelik polıtsııa ınspektorlarynyń ókilettigi ulǵaıady», - dedi Nurdildá Oraz vedomstvonyń baspasóz qyzmeti alańynda ótken brıfıng barysynda.

Resmı ókildiń sózine qaraǵanda, krımınogendik aýdandarda jáne adamdar kóp jınalatyn jerlerde narıadtardyń táýlik boıy kezekshiligi jáne azamattardy qabyldaý úshin 200-den astam modýldik polıtsııa beketi ornatylady.

«Ikemdi» patrýldeý marshrýttary paıdalanylady. Azamattarmen kommýnıkatsııa arnasy ulǵaıady.

«Bul polıtseılerdiń azamattardyń kez kelgen ótinishine jedel áreket etýine kómektesedi», - dedi ol.