2021 jyly Qazaqstan ekonomıkasynyń ósý qarqyny 5,1% deıin qalpyna keledi - boljam
Qazaqstan kompanııa úshin TMD+ aımaǵyndaǵy top ekonomıka bolyp qala beredi. Kúshti irgeli ekonomıkalyq kórsetkishterdiń, edáýir jınaqtalǵan rezervterdiń jáne Úkimet tarapynan pandemııa saldaryna qarsy kúres boıynsha ýaqtyly sharalardyń úılesýi energııa tasymaldaýshylardyń baǵasynyń quldyraýynan jáne vırýstyń taralýyn báseńdetýge baǵyttalǵan shekteýlerden týyndaıtyn teris áserlerdi azaıtýǵa múmkindik berdi.
Bıylǵy sáýir-mamyr jáne shilde-tamyz aılaryndaǵy ishki karantınniń eki tolqynynan keıin QR ekonomıkasy qaıta qalpyna kelýde. Aǵymdaǵy jyldyń tamyz aıynda PMI óndiristik ındeksi 49,9 beıtarap mánine deıin (a. j. shildede - 48,0) derlik ósti, qyzmet kórsetý salasy úshin PMI ındeksi 46,0-ge (a.j. shildede - 32,4) jetti.
Halyqtyń qalyptasyp jatqan ujymdyq ımmýnıteti, vaktsınany ázirleý men beıimdeýdegi ilgerileý, sondaı-aq Úkimettiń densaýlyq saqtaý júıesin kúsheıtý jónindegi sharalary qatań karantındi qaıta engizý qaýpin azaıtady.
TMD+ kontekstinde karantın sharalarymen baılanysty jalpy shyǵyndar pandemııa kórinisterine salystyrmaly túrde tómen qurylymdyq sezimtaldyqtyń, naqty sektordyń turaqtylyǵynyń, Úkimet tarapynan vırýstyń taralýyn shekteý boıynsha ýaqtyly jáne tıimdi sharalardyń úılesýiniń arqasynda qalypty bolyp qalyp otyr.
Bıylǵy jyldyń 1-jartysynda QR ekonomıkasy nebári 1,8% qysqardy. Qysqarý qarqyny Reseı Federatsııasymen salystyrǵanda eki ese tómen boldy.
Kompanııa boljaýynsha, 2021 jyly ekonomıkanyń ósý qarqyny 5,1% deıin qalpyna keltiriledi. Ósý qarqyny boıynsha ortasha jáne uzaq merzimdi boljam 4-4,5% aralyǵynda.
2020 jylǵy tómen bazany eskere otyryp, kompanııa tipti, munaı baǵasy barreline 20 dollarǵa deıin tómendegen jaǵdaıda da, ekonomıkalyq ósý qarqyny 2% asady dep kútýde.
Kompanııa ekonomıkanyń myqty irgeli kórsetkishterin, turaqty fıskaldyq ustanymdy, memlekettik boryshtyń tómen deńgeıin, sondaı-aq turaqty saıası ahýaldy eskere otyryp, qazaqstandyq eýrooblıgatsııalar boıynsha usynymdy saqtap otyr.
QR ekonomıkasy 2020 jyly óziniń egemen reıtıngterin saqtap qalady dep kútilýde jáne olardy ortasha merzimdi perspektıvada arttyrý áleýeti baıqalyp otyr.
Bıyl ekonomıkanyń shıkizat naryqtaryndaǵy quldyraýdan aıtarlyqtaı zardap shekkenine qaramastan, jalpy jaǵdaı oń . Ulttyq ekonomıkanyń turaqtylyq faktorlarynyń biri pandemııa kórinisterine , onyń ishinde JІÓ qurylymyndaǵy kórsetiletin qyzmetterdiń salystyrmaly tómen úlesi jáne halyq qurylymyndaǵy jastardyń joǵary úlesi aıasyndaǵy shekteýli qurylymdyq sezimtaldyq boldy.
Aǵymdaǵy jyldyń mamyr aıynda alǵashqy karantın sharalary jeńildetilgen soń, ekonomıkany qalpyna keltirý salystyrmaly túrde jyldam júrgizildi, bul rette barlyq ekonomıkalyq kórsetkishter jaqsarǵanyn kórsetti. 2020 jyldyń 3-toqsanynyń basynda koronavırýstyń ekinshi tolqyny ony qalpyna keltirýge kedergi keltirdi, biraq shekteýlerdiń áseri negizinen qyzmet kórsetý salasynda ǵana baıqaldy.
Artta qalǵan sektorlardyń biri taý-ken óndirisi salasy boldy, oǵan OPEK+ kelisimderine sáıkes munaı óndirýdi qysqartý áserin tıgizdi.
Kompanııa a.j. 1-shi jartysynda úzdik nátıje kórsetken qurylys, telekommýnıkatsııa jáne aýyl sharýashylyǵy salalary (sáıkesinshe 11,2%, 9,0% jáne 2,4% ósimmen) ósýdiń ozyq qarqynyn kórsetýdi jalǵastyrady dep boljaıdy.
Pandemııadan asa zardap shekken tutynýshylyq qyzmetter, bólshek saýda jáne kólik sııaqty sektorlar 2021 jyly qalpyna keltirý ósiminiń zor áleýetine ıe.
Pandemııadan keıingi kezeńdegi ósýdiń negizgi faktorlary tabıǵı resýrstardyń mol kólemi, turaqty naqty sektor, demografııanyń salaýatty qurylymy, qalpyna keltirý ósýiniń eleýli áleýeti, sondaı-aq aǵymdaǵy ekonomıkalyq reformalar men saıası turaqtylyq esebinen bıznes ortanyń jaqsarýy bolady.
Kompanııa ortasha merzimdi perspektıvada el úshin ishki de, syrtqy da eleýli saıası táýekelderdiń joqtyǵyn atap ótedi. Saıası turaqtylyqtyń negizgi faktorlarynyń biri 2019 jyly bıliktiń birtindep aýysýy boldy.
Renaissance Capital – bul Máskeý, London, Nıý-Iork, Lagos, Naırobı, Iohannesbýrg, Keıptaýn, Kaır jáne Nıkosııada keńseleri bar, damýshy jáne shekara naryqtaryna mamandandyrylǵan ınvestıtsııalyq kompanııa.
