2021 jyly kásipkerlikti damytý jónindegi ulttyq jobanyń nátıjesi qandaı boldy
«2021 jyly Ulttyq jobany iske asyrý qorytyndylary boıynsha qol jetkizilgen nátıjelerge tolyǵyraq toqtalǵym keledi. Pandemııaǵa qatysty 2020 jyly Bıznestiń jol kartasy-2025 aıasynda salalyq shekteýler alynyp tastaldy. Bul sýbsıdııalaý jáne kepildik berý jónindegi kórsetkishtiń 62 paıyzǵa artyǵymen oryndalýyna yqpal etti, sondaı-aq 48,8 myń joba memlekettik qoldaýmen qamtyldy», - dedi Á. Qýantyrov.
Onyń aıtýynsha, kórsetiletin qyzmetter men óńdeý ónerkásibi salalarynda jańa bıznes-ıdeıalardy iske asyrý úshin 984 jobaǵa grant berildi. «Bastaý bıznes» jobasy aıasynda kásipkerlik salasy boıynsha 33,4 myń adam oqytyldy.
«2021 jyldyń qorytyndysy boıynsha 169 myńnan astam shaǵyn jáne orta kásipkerlik sýbektisi bıznesti ashý jáne júrgizý, sondaı-aq memlekettik qoldaý sharalaryn alý boıynsha aqparattyq-konsýltatsııalyq kórsetiletin qyzmetter aldy. Kásipkerler úshin ákimshilik kedergilerdi azaıtý maqsatynda kásipkerlik sýbektileri usynatyn 435 aqparattyq quralǵa tekserý júrgizildi», - dedi mınıstr.
Onyń aıtýynsha, týrızmdi damytý úshin qolaıly jaǵdaılar jasaý aıasynda nómirlik qor 193 myń orynǵa deıin ulǵaıtyldy. Іshki týrıster sany 6,9 mln adamǵa deıin ósti. Sonymen birge, 2021 jyly týrızm salasy pandemııanyń saldarynan shekteýler bolǵandyqtan, qıyndyqtarǵa tap boldy.
«Ulttyq jobany iske asyrý 2021 jyldyń qorytyndysy boıynsha tıisti áleýmettik-ekonomıkalyq áserlerge qol jetkizýge múmkindik berdi. Turaqty jumys oryndaryna 403 myń adam jumysqa ornalastyryldy. 320 myń jańa jumys orny quryldy. Jumyspen qamtýǵa járdemdesýdiń belsendi sharalarymen 814 myń adam qamtyldy. Tabysy eń tómen kúnkóris deńgeıinen az aýyl halqynyń úlesi tómendedi. Jalpy ishki ónimdegi shaǵyn jáne orta kásipkerliktiń úlesi ósti. Ekonomıkadaǵy memlekettik sektordyń úlesi 14,5 paıyzǵa deıin tómendedi», - dedi vedomstvo basshysy.
