2021 jyly Qarajal men Jáıremdi sýmen qamtý máselesi qalaı sheshilmek
QARAJAL. QazAqparat – Bıylǵy jyly Qarajal men Jáıremde sýmen jabdyqtaý máselesine núkte qoıylýy tıis. Sonymen qatar, káriz jelileri men sý tazartý qurylystaryna JSQ ázirleý jalǵastyrylady. Oblys aımaqtarynyń biri qalı damıtyny jaıly Jeńis Qasymbektiń qatysýymen ótken keńeste Qarajal qalasynyń ákimi Tilektes Dosaev baıandady, dep habarlaıdy QazAqparat tilshisi.
Uzaq jyldar boıy Qarajal men Jáıremniń basty problemasy tozǵan sý qubyry jelileri men aýyz sý tapshylyǵy bolyp kelgen. Bul máseleni sheshý úshin birneshe baǵdarlama ázirlenip, respýblıkalyq jáne oblystyq bıýdjetten qarajat bólindi. 2021 jyly sýmen jabdyqtaý boıynsha barlyq máseleler jabylady.
«Bıyl turǵyn úıdi paıdalanýǵa berý boıynsha oń dınamıka saqtalady. 10 myń sharshy metrden astam jerdi paıdalanýǵa berý josparlanyp otyr. Kezekte turǵandardyń basym bóligin turǵyn úımen qamtamasyz etemiz. Sondaı-aq, kommýnaldyq turǵyn úıler men mektepterdi jóndeý, apatty úılerdi buzý, aýla aýmaqtaryn abattandyrý jáne eldi mekenderdiń kóshelerin jaryqtandyrý jalǵastyrylady», - dedi Tilektes Dosaev.
Sonymen qatar Jáırem-Qarajal jolynyń ortasha jóndeýi aıaqtalady. Qarajaldan Atasý kentine qaraı joldy jóndeý aıaqtaldy. Bul ýchaskede oblystyq joldyń 28 shaqyrymyn retke keltirý ǵana qaldy. Oǵan qarajat bólindi.
Óńirde jyl saıyn aýyl sharýashylyǵynyń ósýi baıqalady. 2021-shi jyly da solaı bolmaq. ІQM analyq basynyń ósýi esebinen jalpy ónim kóleminiń 3,4%-ǵa ósýi kútilýde.
Shaǵyn jáne orta kásipkerlikti damytýǵa toqtalar bolsaq, «Atameken» mıkrokredıttik uıymy arqyly jańa jobalardy qarjylandyrý jalǵastyrylady. Іsin jańa bastaǵan bıznesmender úshin «Eńbek» memlekettik baǵdarlamasy boıynsha 40 grant qarastyrylǵan.
