2021 jyly elimizdiń birqatar jolynda aqy alý júıesi engiziledi

NUR-SULTAN. QazAqparat - 2021 jyldyń naýryzynan bastap elimizde birqatar avtomobıl jolyna aqy alý júıesi engiziledi. Bul týraly «QazAvtoJol» ulttyq kompanııasynyń basqarma tóraǵasy Ulan Álipov aıtty, dep habarlaıdy QazAqparat tilshisi.

«Ótken jyly joldarda aqy alý júıesin engizý boıynsha ınvestıtsııalyq konkýrs ótkizgen edik. Atalǵan konkýrsta Computer Vision Technologies kompanııasy jeńip shyqty. Ol jerde birlesken konsortsıým boldy. ıAǵnı, taıvandyq kompanııa keńesshilik etti. Olar 11 myń shaqyrym jolda aqy alý júıesin engizýdi josparlap otyr. Jyl sońyna deıin 13ýchaskedegi aqyly joldardyń uzyndyǵy 5,8 myń shaqyrymǵa deıin jetedi», - dedi ol búgin elordada BAQ ókilderimen kezdesý barysynda.

Onyń atap ótýinshe, aqy alý júıesi engiziletin joldarda qajetti qurylǵylardy ornatý-montajdaý jumystary aıaqtaldy. Keıbir ýchaskede júıe ilki rejımde jumys istep tur.

«ıAǵnı, naýryz-sáýirde aqsha jınaý bastalady. Ondaǵy negizgi mindet - qaýipsizdikti qamtamasyz etý. Bizde joldy kútip ustaýǵa aqshanyń jetispeýshiligi úlken problemaǵa aınalǵan. Osy qarjy jetispeýshiligin aqy alý júıesin engizý arqyly qamtamasyz etý josparlanǵan. Bul jalpy álemdik tájirıbe sanalady», - dedi Ulan Álipov.

Aıta keteıik, 2021 jyly «Aqtóbe – RF shekarasy (Orynborǵa)», «Oral – RF shekarasy (Saratovqa)», «Oral – RF shekarasy (Samaraǵa)». «Atyraý – Dossor – Beıneý – Aqjigit – Ózbekstan shekarasy», «Taraz – Qaınar», «Qostanaı – RF (Troıtskige)», «Pavlodar – RF shekarasy (Ombyǵa), «Qapshaǵaı – Taldyqorǵan», «Nur-Sultan – Qostanaı», «Nur-Sultan – Pavlodar», «Pavlodar – Semeı», «Oral – Aqtóbe», «Aqtóbe – Qarabutaq» joldarynda aqy alý júıesi engiziledi.