2021 jyly bilim berý bólimderi óńirlik basqarýǵa beriledi
NUR-SULTAN. QazAqparat - 2021 jyly qalalyq jáne aýdandyq bilim berý bólimderi óńirlik basqarý quzyryna beriledi. Bul týraly QR Bilim jáne ǵylym mınıstri Ashat Aımaǵambetov aıtyp berdi, dep habarlaıdy QazAqparat tilshisi.
«Bilim berýdi basqarý jáne qarjylandyrý júıesinde eleýli ózgerister júrip jatyr - Memleket basshysynyń Tamyz konferentsııasynda bergen tapsyrmasymen bilim berý júıesin basqarý úlgisin jańǵyrtyp jatyrmyz. 2021 jyldan bastap, barlyq qalalyq jáne aýdandyq bilim berý bólimderi oblystyq basqarý quzyryna beriledi. Biz óte aýqymdy jumystardy atqaryp kelemiz jáne 2021 jyly bul júıe jumys isteı bastaıdy dep oılaımyn», - dedi mınıstr Feısbýk jelisinde halyq aldynda esep berý barysynda.
Onyń aıtýynsha, mektep dırektorlaryn rotatsııalaý ınstıtýty da engizilip jatyr.
«Dırektorlardy taǵaıyndaýdyń jańa júıesine tıisti ózgertýlerdi ázirledik jáne zańnamaǵa aýdandar men qalalardyń bilim berý bólimderiniń basshylaryn taǵaıyndaý men jumystan shyǵarý boıynsha QR BǴM-men kelisý normasy engizildi», - dedi A. Aımaǵambetov.
