2021 jyly Almatyda bes jańa sport kesheni salynady
ALMATY. QazAqparat - 2021 jyly Almatyda bes jańa sporttyq-saýyqtyrý kesheni salynady, dep habarlaıdy QazAqparat tilshisi.
«Maqsat – sport nysandaryn halyqqa qoljetimdi etý, sport sektsııalarynyń jumysyn uıymdastyrý, sport nysandaryn salý, eskirgenderin jańǵyrtý. Búgingi tańda Almatydaǵy sport nysandarynyń tapshylyǵy 31% quraıdy. Jaǵdaıdy qalpyna keltirý úshin 2021 jyly jalpy aýdany 15 myń sharshy metrden asatyn bes sporttyq-saýyqtyrý keshenin salý josparlanýda», - dedi Almaty qalasy dene shynyqtyrý jáne sport basqarmasynyń bastyǵy Rústem Baıseıitov qoǵamdyq keńestiń otyrysynda.
Onyń aıtýynsha, bul keshenderde horeografııa, kórkem gımnastıka zaldary jumys isteıtin bolady. Sondaı–aq, eki sport kesheninde basseın jáne jekpe-jek zaly qarastyrylǵan.
«2020 jyldyń ekinshi jartysynda biz qurylysty bastaımyz. Barlyq bes sporttyq-saýyqtyrý ortalyǵy ortalyqtan shalǵaı ornalasqan aýdandarda boı kóteredi. ıAǵnı, Jetisý, Túrksib jáne Medeý aýdandarynda», - dedi spıker.
