2021 jyly Almaty oblysynda 23 eldimekenge gaz tartylady
NUR-SULTAN. QazAqparat – Almaty oblysynyń ákimi Amandyq Batalov óńirdi gazben jáne aýyz sýmen qamtý jumystary týraly aıtyp berdi, dep habarlaıdy QazAqparat tilshisi.
«Biz gazdandyrý baǵytynda da aýqymdy jumystar atqaryp kelemiz.
Ótken jyly oblys turǵyndarynyń 59%-yna gazǵa qosylý múmkindigi jasaldy (1,2 mln adam). Bıylǵy jyly taǵy 23 eldimekende gazǵa qosylýǵa jaǵdaı jasalyp, 61%-ǵa jetedi», - dedi A. Batalov QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.
Ákimniń aıtýynsha, qalǵan aýdandardy gazdandyrý úshin «Taldyqorǵan - Úsharal», «Shelek-Kegen» magıstraldy gaz qubyry qurylysynyń jobalyq-smetalyq qujattamasy aıaqtalady. Qurylys jumystary kelesi jyly bastalady.
«Oblysta ortalyqtandyrylǵan aýyz sýmen qamtý deńgeıi respýblıka boıynsha aldyńǵy qatarda, ıaǵnı 98,3% (678 eldimeken). Bıyl 7 aýylǵa sý qubyryn júrgizý arqyly bul kórsetkishti 99,5% (685 eldimeken) jetkizemiz (48 eldimeken qalady), sol sııaqty 11 aýylda aýyz sý sapasy jaqsartylady», - deıdi A. Batalov.
Buǵan deıin spıker Almaty oblysynda 275 myń adam shaǵyn jáne orta bıznespen aınalysatynyn aıtqan edi.
