2021 jyly álemdik ekonomıka 5,2 paıyzǵa deıin qalpyna keledi – Erbolat Dosaev

NUR-SULTAN. QazAqparat - Ulttyq bank qarjylyq tehnologııalar men ulttyq tólem júıesin damytýǵa baǵyttalǵan birqatar strategııalyq qujatty qabyldady. Bul týraly Úkimettiń keńeıtilgen quramdaǵy otyrysynda Ulttyq bank tóraǵasy Erbolat Dosaev málim etti, dep habarlaıdy QazAqparat tilshisi.

«Pandemııa jáne elektrondy qyzmetterge suranystyń ósýi jaǵdaıynda Ulttyq bank tsıfrlandyrý men qarjylyq tehnologııalardy belsendi túrde damytty. Tsıfrlyq qyzmetter úlesin arttyrǵan jańa servısterdi engizýmen birge Ulttyq bank qarjylyq tehnologııalar men ulttyq tólem júıesin damytýǵa baǵyttalǵan birqatar strategııalyq qujatty qabyldady», - dedi E. Dosaev.

Onyń aıtýynsha, pandemııa Ekinshi dúnıejúzilik soǵystan keıingi eń tereń quldyraýdy bastaı otyryp, barlyq eldiń ekonomıkasyna áser etti. Negizgi damýshy elderdiń ishinde ekonomıkanyń ósýi jalpy ishki ónimi Qytaıda ǵana ósken – 2,3%-ǵa, biraq onda sońǵy 45 jyldaǵy eń tómengi deńgeı tirkeldi.

«2021 jyly álemdik ekonomıkanyń 5,2%-ǵa deıin qalpyna kelýi kútilýde, alaıda turaqsyz epıdemıologııalyq jaǵdaıǵa, sondaı-aq vaktsınalaý protsesiniń jyldamdyǵy men tıimdiligine baılanysty neǵurlym baıaý qalpyna kelý táýekeli saqtalyp otyr», - dedi UB basshysy.