2021 jyly Adam quqyqtary jónindegi ýákildiń atyna qandaı ótinishter kelip tústi

NUR-SULTAN. QazAqparat - Buǵan deıin Adam quqyqtary jónindegi ýákil ınstıtýty 2002 jyly Qazaqstan Respýblıkasy Prezıdentiniń Jarlyǵymen qurylǵan bolatyn, 2022 jyldyń qyrkúıeginde Ombýdsmen ınstıtýtynyń qurylǵanyna týra 20 jyl tolady, dep habarlaıdy QazAqparat.

Bul ınstıtýt BUU-ǵa múshe 117-den astam elde jumys isteıdi jáne quqyq arqyly demokratııaǵa umtylatyn memlekettiń mindetti elementi retinde quptalady.

Aıta keteıik, 29 jeltoqsanda Memleket basshysy «Qazaqstan Respýblıkasyndaǵy Adam quqyqtary jónindegi ýákil týraly» Qazaqstan Respýblıkasynyń Zańyna qol qoıdy.

2021 jylǵy qarashadaǵy jaǵdaı boıynsha Qazaqstandaǵy Adam quqyqtary jónindegi Ýákil Elvıra Ázimovanyń atyna barlyǵy 1614 ótinish kelip tústi.

Azamattardyń shaǵymdary prokýratýra men polıtsııanyń laýazymdy tulǵalarynyń is-áreketteri nemese áreketsizdigi (298 ótinish), sondaı-aq sot aktilerine shaǵymdaný (215 ótinish) máselelerine qatysty boldy.

Qabyldanǵan zańda Ombýdsmenniń mynadaı ókilettikterin aıryqsha atap kórsetken jón: Prezıdentke, Parlament Palatalaryna, Úkimetke Adam quqyqtary men bostandyqtary salasyndaǵy zańnama men praktıkany jaqsartý týraly usynystarmen ótinish jasaý; aıqyndalmaǵan adamdar tobynyń quqyqtary men bostandyqtaryn qorǵaý týraly talap-aryzben sotqa júginý, al jappaı jáne óreskel zań buzýshylyqtar bolǵan jaǵdaıda - Konstıtýtsııalyq Keńeske ótinish jasaý týraly sot aldynda ótinish jasaý; sot praktıkasy aıasynda zerdeleý úshin Joǵarǵy Sotqa aqparat pen usynystar berý; azamattardyń quqyqtary men bostandyqtaryn buzý týraly ótinishterin qaraý, memlekettik organdardyń ókilderimen azamattardy birlesken qabyldaý júrgizý jáne zań buzýshylyqtar týraly habarlamalar negizinde tekserýler júrgizýge bastamashylyq jasaý; Parlament palatalarynda jyl saıyn baıandama jasaý jáne jekelegen máseleler boıynsha parlamenttik tyńdaýlar ótkizýdi usyný; Azaptaýlarǵa jáne qatygez qarym-qatynastyń basqa da túrlerine qarsy ulttyq aldyn alý tetiginiń qyzmetin úılestirý; Adam quqyqtary men bostandyqtary týraly bilimdi ilgeriletýge, onyń ishinde oqytý baǵdarlamalaryna qatysýǵa quqyǵy bar.

«Bul ınstıtýttyń Qazaqstandaǵy basty mıssııasy - adam quqyqtary salasyndaǵy syndarly dıalogty ilgeriletýge, zańnamany jáne adam quqyqtaryn qorǵaý praktıkasyn jaqsartýǵa járdemdesý bolyp otyr. Arnaıy zańnyń qabyldanýy Adam quqyqtary jónindegi ýákilge quqyq qorǵaý rásimderine tolyqqandy qatysýǵa múmkindik beredi», - dedi QR Adam quqyqtary jónindegi Ýákil Elvıra Ázimova.

Ýákil qyzmetiniń negizgi qaǵıdattary - zańdylyq, obektıvtilik jáne ádildik, ashyqtyq, táýelsizdik, adam quqyqtary men bostandyqtary múddesinde jaýapkershilik jáne beıtaraptylyq.