2021 jylǵy gımnastıkadan álem chempıonaty Japonııada ótetin boldy
NUR-SULTAN. QazAqparat - Sporttyq jáne kórkem gımnastıkadan 2021 jylǵy álem chempıonaty Japonııanyń Kıtakıýsıý qalasynda ótedi. Bul týraly Halyqaralyq gımnastıka federatsııasynyń (FIG) baspasóz qyzmeti habarlady, dep jazady Olympic.kz.
Alǵashynda álemdik dodany Danııa astanasy Kopengagen qalasy qabyldaıtyn bolǵan. Alaıda, ǵalamdyq koronavırýs indetine baılanysty danııalyqtar jarysty ótkizýden bas tartty.
Osylaısha, 2021 jylǵy álemdik doda qazan aıynda Japonııada ótetin bolyp sheshildi.
Kıtakıýsıý qalasynda aldymen sporttyq gımnastıkadan, keıin kórkem gımnastıkadan álem birinshiligi ótpekshi.
Sporttyq jáne kórkem gımnastıkadan álem chempıonaty Olımpıada ótpeıtin jyldary uıymdastyrylady.
Alaıda, 2020 jylǵy Olımpıada keıinge shegerilgendikten 2021 jylǵy álem birinshiligin ótkizý týraly sheshim qabyldandy.
