2021 jylǵy 1-toqsanda tólem balansy tapshylyqpen qalyptasty - UB
NUR-SULTAN. QazAqparat – 2021 jylǵy 1-toqsanda tólem balansy tapshylyqpen qalyptasty. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.
«Taýarlar eksportynyń 19,9 paıyzǵa nemese 2,9 mlrd AQSh dollaryna tómendeýi jáne ımport aǵynynyń 7,6 mlrd AQSh dollaryna deıin 4,8 paıyzǵa nemese 0,4 mlrd AQSh dollaryna ósýine baılanysty osy jylǵy 1-toqsanda tólem balansynyń aǵymdaǵy shoty 1,2 mlrd AQSh dollar tapshylyqpen qalyptasty», - Ulttyq bank tóraǵasy.
Onyń atap ótýinshe, taýarlar ımporty azyq-túlikke jatpaıtyn tutynýshylyq jáne ınvestıtsııalyq taýarlardy ákelýdiń ulǵaıýy esebinen iskerlik belsendiliktiń qalpyna kelýi jáne keıinge qaldyrylǵan ishki suranys aıasynda ósti.
«Avtomobılder, kıim-keshek jáne kompıýterler sııaqty taýarlardy ákelýde barynsha kóp ósý baıqalady. Taýarlardyń osy toptary boıynsha ósý 2020 jylǵy 1-toqsanmen salystyrǵanda 458 mln AQSh dollaryn qurady», - dedi Erbolat Dosaev.
