2021 jylǵa qaraı mıllıon qazaqstandyq kompıýterlik saýatty bolady

ASTANA. QazAqparat - 2021 jylǵa qaraı mıllıon qazaqstandyq kompterlik saýatty bolady. Bul týraly búgin halyqpen eseptik kezdesý ótkizgen QR Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat.

«Mınıstrliktiń negizgi maqsattarynyń biri halyqtyń tsıfrlyq saýattylyǵyn arttyrý bolyp sanalady. Osy baǵyt aıasynda azamattardy bazalyq tsıfrlyq daǵdyǵa  oqytý úshin jaǵdaı jasalady. Júrgizilgen jumystardyń, sonymen birge aqparattyq-kommýnıkatsııalyq baǵyttardy damytýdyń arqasynda halyqtyń tsıfrlyq saýattylyq deńgeıi búginde 76 protsentten asyp otyr jáne 2013 jylmen salystyrǵanda 13 protsentke artty. Bizdiń boljamymyzǵa sáıkes, 2021 jylǵa deıin tsıfrlyq daǵdyǵa shamamen mıllıon adam oqytylyp, 100 myń ІT-mamany daıyndalady», - dedi mınıstr.

Sonymen qatar ol jańadan ázirlenip jatqan «Tsıfrlyq Qazaqstan» memlekettik baǵdarlamasy jaıynda da sóz qozǵady.

«Ol Aqparattyq-kommýnıkatsııalyq tehnologııalar men ınfraqurylymdardy damytýǵa  bilikti ІT-mamandaryn daıyndaý, ekonomıka salalaryn tsıfrlandyrý, tsıfrlyq úkimet qurý syndy 4 negizgi baǵyttaǵy mindetterdi sheshetin bolady. Bul baǵyttardy júzege asyrý bolashaqta óte úlken mýltıplıkatıvti tıimdilik berip, halyq deńgeıiniń artýyna septigin tıgizetin bolady», - dedi Dáýren Abaev.