2021 jylǵa qaraı Qazaqstanda isik genomy zerthanasy qurylady
ASTANA. QazAqparat - 2021 jylǵa qaraı klınıkaǵa deıingi zertteý ortalyǵyn men isik genomy zerthanasyn qurý josparlanǵan. Bul týraly Parlament Májilisinde medıtsınalyq kómek taqyrybyna arnalǵan Úkimet otyrysynda QR Densaýlyq saqtaý mınıstri Eljan Birtanov málim etti, dep habarlaıdy QazAqparat tilshisi.
«Onkologııalyq aýrýlarmen kúres jónindegi 2018-2022 jyldarǵa arnalǵan keshendi jospardyń aıasynda onkologııalyq patologııany anyqtaýdy arttyrýǵa jáne erte dıagnostıkalaýǵa baǵyttalǵan is-sharalar atqarylýda. 2018 jyldyń qorytyndysy boıynsha Qazaqstan Respýblıkasynda Keshendi josparda eskerilgen barlyq kórsetkishterge qol jetkizildi», - dedi mınıstr.
Belgili bolǵandaı, tıimdiligi joǵary erte dıagnostıka, ıaǵnı 0-I satylarda anyqtalǵan alǵashqy qaterli isikterdiń úlesi 26,2 paıyzǵa artty (2017 jyl - 24,7%, 2022 jylǵy maqsat - 33,5%).
Onyń sózine qaraǵanda, monıtorıngileý boıynsha kadr áleýetin jáne ǵylymdy damytý, sondaı-aq sheteldiń jetekshi onkologııalyq uıymdarymen memorandýmdar jasaý josparlanǵan.
«2021 jylǵa klınıkaǵa deıingi zertteý ortalyǵyn qurý, sonymen qatar 2021 jylǵa qaraı isik genomy zerthanasyn qurý josparlanǵan», - dep naqtylady E. Birtanov,
Budan buryn habarlanǵandaı, Úkimet saǵaty barysynda mınıstr qazaqstandyqtar qaterli isiktiń qaı túrine jıi shaldyǵatynyn aıtty.
