2021 jylǵa deıin taýarly balyq ósirý úsh ese artady - QR AShM

  ASTANA. QazAqparat - 72 balyq óńdeý kásipornynyń jyldyq qýaty 87 myń tonnany qurady. Bul týraly Parlament Senatynda QR Aýyl sharýashylyǵy vıtse-mınıstri Erlan Nysanbaev málim etti, dep habarlaıdy QazAqparat tilshisi.

«Balyq óńdeý kásiporyndary ádette iri kásipshilik sý aıdyndaryna jaqyn ornalastyrylyp keldi. Bul oraıda, balyq óńdeýdiń negizgi kólemi Atyraý, Almaty, Shyǵys Qazaqstan jáne Qyzylorda oblystarynyń úlesine tıedi. 72 balyq óńdeý kásipornynyń jıyntyq qýaty búgingi tańda jylyna 87 myń tonnany quraıdy, alaıda olardyń shıkizatpen qamtamasyz etilýi nebári 43 paıyzdy quraıdy. Sondyqtan agrarlyq-ónerkásiptik keshendi damytýdyń memlekettik baǵdarlamasynda taýarly balyq ósirý (akvaósirý) kólemin 2021 jylǵa qaraı 1,6 myń tonnadan 5 myń tonnaǵa deıin kóbeıtý josparlanyp otyr. Bul ónim óńdeý qýattarynyń júktemesin arttyra túsýge múmkindik beredi», - dep toqtaldy vıtse-mınıstr.

2017 jyly balyq ósirý kásiporyndary 2700 tonna taýarly balyq ósirdi.

Taýarly balyq ósirýdi damytý úshin myna baǵyttar boıynsha memlekettik qoldaý kózdelgen: balyq ósirý sharýashylyqtary úshin tehnıka men jabdyqtar satyp alýǵa ınvestıtsııalyq salymdar jumsalǵan jaǵdaıda shyǵyndardyń 30% óteý; bekire, bahtah jáne tuqy tuqymdas balyq túrlerin ósirý kezinde balyq jemine jumsalǵan shyǵyndar qunynyń 30% tóleý.


Foto: djdhollandmunka.com