2021 jylǵa deıin 9 myń jas maman jalǵa beriletin pátermen qamtylady - vıtse-mınıstr

NUR-SULTAN. QazAqparat - Elbasy jarııalaǵan Jastar jyly sheńberinde Nur-Sultan, Almaty jáne Shymkent qalalarynda jumys isteıtin jastardyń turǵyn úı problemasyn sheshý boıynsha sharalar qabyldandy. Bul týraly QR Indýstrııa jáne ınfraqurylymdyq damý mınıstrliginiń keńeıtilgen alqa májilisinde aıtyldy, dep habarlaıdy QazAqparat tilshisi.

«2019-2021 jyldary 9 myńnan astam jas býyndy jalǵa beriletin turǵyn úımen qamtamasyz etý kózdelgen. Olar osyndaı turǵyn úıde turyp, 5 jyl ishinde turǵyn úı qurylys jınaq júıesi boıynsha óz baspanasyna dep qarajat jınaýy tıis. 2019 jyly osyndaı páter 3004 qatysýshyǵa berildi», - deıdi QR Indýstrııa jáne ınfraqurylymdyq damý birinshń vıtse-mınıstri Qaıyrbek Óskenbaev.

Ol el azamattarynyń turmys jaǵdaıyn jaqsartý úshin birqatar sharalar qabyldanyp jatqanyn aıtty.

«Aýyzsýǵa qoljetimdilikti qamtamasyz etý úshin 2019 jyly Óńirlerdi damytý baǵdarlamasy boıynsha quny 125 mlrd teńge bolatyn 400-den astam joba iske asyryldy. Bul halyqty qalalarda ortalyqtandyrylǵan sýmen jabdyqtaý deńgeıin 97,2%-ǵa jáne aýyldarda 86,4%-ǵa deıin arttyrýǵa múmkindik berdi. Bıyl osy kórsetkishti qalalarda 97,5%-ǵa jáne aýyldarda 87,7%-ǵa deıin jetkizý josparlanǵan», - deıdi ol.