2021 jyldyń kóktemindegi máslıhat saılaýy qyzyqty ótedi - Tóleýtaı Rahymbekov

NUR-SULTAN. QazAqparat - Ulttyq agrarlyq ǵylymı bilim berý ortalyǵynyń basqarma tóraǵasy Tóleýtaı Raqymbekov Memleket basshysy qol qoıǵan saıası partııalar jáne saılaý týraly zańdarǵa oraı pikir bildirdi, dep habarlaıdy QazAqparat tilshisi.

Búgin Memleket basshysy «Saıası partııalar týraly» Qazaqstan Respýblıkasynyń Zańyna ózgeris pen tolyqtyrýlar engizý týraly« jáne «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna tolyqtyrýlar engizý týraly» Qazaqstan Respýblıkasynyń Konstıtýtsııalyq zańynyń jobalaryna qol qoıdy. 2019 jyldyń jeltoqsanynda ótken Ulttyq qoǵamdyq senim keńesiniń otyrysyndaǵy Prezıdentimiz Qasym-Jomart Toqaev jarııa etken saıası reformlardy ary qaraı damytýdaǵy, demokratııa jolyndaǵy is-shara retinde osy eki Zańǵa ózgertýler men tolyqtyrýlar engizý qajettigin jarııalaǵan bolatyn«, - dedi ol.

Onyń atap ótýinshe, 2016 jyldyń naýryzynda elimizde QR Parlamenti Májilisiniń jáne máslıhat depýttarynyń saılaýy ótti. Respýblıkanyń Konstıtýtsııasynda depýtattardyń ókilettigi 5 jyl dep kórsetilgen. Sondyqtan kelesi kezekti saılaý 2021 jyldyń naýryz aıynan keshiktirilmeı ótýi tıis.

»Demek, saıası partııalarǵa 10 aıdaı ýaqyt qaldy. Máselen, kelesi máslıhat depýtattaryn saılaý erekshe bolady. Óıtkeni, depýtattar partııa usynǵan tizim boıynsha saılanady. Osyǵan oraı aýdandarda, oblystarda, qalalarda saılaý ótkizýdiń mańyzy arta túsedi dep oılaımyn. Buǵan qosa, partııa tizimin usynǵan kezde ondaǵy áıelder men 29 jasqa tolmaǵan jastardyń úlesi 30 paıyzdan kem bolmaýy tıis. Bul áıelder men jastarǵa úlken jol ashady«, - dedi ortalyq tóraǵasy.

Sarapshynyń atap ótýinshe, dál osy zań jobalaryn Parlament qabyrǵasynda talqylaý barysynda partııalyq tizimine enetin áıelder men jastardyń úlesi 50 paıyzdan asýy tıistigine qatysty da qyzý pikirtalas bolǵan.

»Pikirtalas bolǵan kezde jumys tobynyń keıbir músheleri áıelder men jastardyń úlesi 50 paıyzdan assa degen usynys jasady. Buǵan pikir almasý barysynda kelisti. Zańda áıelder men jastardyń úlesi 30 paıyzdan shektelsin delingen joq. Bul tómengi kórsetkish. Olardyń úlesi 34, 45, 55 paıyzdan joǵary bolsa da shekteý qoıylmaıdy. Menińshe, aldymyzdaǵy saılaý óte qyzyqty ótedi. Onyń ishinde máslıhat depýtattaryn partııalyq tizimmen saılanýy saılaýǵa tyń serpin beredi«, - dedi Tóleýtaı Rahymbekov.