2021 jyldyń basynan beri 12,5 myń etnıkalyq qazaq qandas mártebesin aldy
NUR-SULTAN. QazAqparat - 2021 jylǵy 1 qyrkúıektegi jaǵdaı boıynsha 12 501 adam tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mıllıon 82,8 myń etnıkalyq qazaq oraldy, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.
Osy jyldyń basynan Qazaqstanǵa kelgen qandastardyń jartysynan kóbi (76,0%) Ózbekstannan, 9,8% – Qytaıdan, 6,8% – Túrikmenstannan, 2,5% – Mońǵolııadan jáne 4,9% basqa elderden.
Kelgen etnıkalyq qazaqtar negizinen Almaty (28,4%), Mańǵystaý (19,5%), Túrkistan (13,8%) jáne Jambyl (8,2%) oblystaryna, sondaı-aq Shymkent (10,4%) qalasyna qonystandy.
Aǵymdaǵy jylǵy 1 qyrkúıektegi jaǵdaı boıynsha eńbekke qabiletti jastaǵy etnıkalyq qonys aýdarýshylar sany 55,2%-dy, eńbekke qabiletti jastan kishi 27,1%-dy jáne zeınetkerler 17,6%-dy quraıdy.
Eńbekke qabiletti jastaǵy qandastardyń ishinen bilim deńeıi boıynsha 11%-y joǵary bilimdi, 39,4%-y orta kásibı bilimdi, 45,7%-y jalpy orta bilimdi jáne 3,9%-nyń bilimi joq.
