2021 jyldyń 1-jartyjyldyǵynda JІÓ 2,2 paıyzǵa ósti - Asqar Mamın

NUR-SULTAN. QazAqparat – 2021 jyldyń 1-jartyjyldyǵynda jalpy ishki ónim 2,2 paıyzǵa ósti. Bul týraly Úkimettiń keńeıtilgen otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Der kezinde qabyldanǵan is-sharalardyń arqasynda bıyl sáýir aıynda ekonomıkanyń ósý qarqyny byltyrdyń naýryz aıynan beri tuńǵysh ret nátıje berip, birinshi jartyjyldyq qorytyndysy boıynsha 2,2 paıyzǵa deıin jedeldedi. Naqty sektor jalpy ishki ónim ósiminiń draıveri bolyp qala beredi. Jartyjyldyqtyń qorytyndysy boıynsha ol 2,9 paıyzǵa ósti. Shekteýlerdiń saqtalyp otyrǵanyna qaramastan qyzmetter kórsetý sektory ishki suranystyń birtindep qalpyna kelýine baılanysty 1,4 paıyzǵa artty. Investıtsııa tartýdyń nysanaly baǵyttarynyń ózgerýi ken óndirmeıtin salalardaǵy ınvestıtsııalyq belsendiliktiń joǵary belsendiligin qamtamasyz etýde. Nátıjesinde negizgi kapıtalǵa ınvestıtsııa 23,9 paıyzǵa ósti», - dedi Asqar Mamın.

Úkimet basshysynyń aıtýynsha, halyqtyń naqty kirisi ınflıatsııany shegergende qańtar-mamyrda 1,7 paıyzǵa ulǵaıdy. Jyldyq ınflıatsııa 7,9 paıyzdy qurady.

«Inflıatsııany jedeldetken negizgi faktor azyq-túlik taýarlary baǵasynyń ósýi boldy», - dedi Úkimet basshysy.