2021 jyldyń 1-toqsanynda jyldyq ınflıatsııa 7 paıyzǵa deıin baıaýlady
NUR-SULTAN. QazAqparat – 2021 jyldyń 1-toqsanynda jyldyq ınflıatsııa 7 paıyzǵa deıin baıaýlady. Bul týraly búgin QR Premer-Mınıstriniń birinshi orynbasary Álıhan Smaıylov aıtty, dep habarlaıdy QazAqparat tilshisi.
«Osy jyldyń birinshi toqsanynyń qorytyndylary eldegi ekonomıkalyq belsendiliktiń jandaný úrdisin kórsetedi. Taýarlar óndirisi oń nátıjesin kórsetip, 1,8 pavıyzǵa ósti. Jyldyq ınflıatsııa 7 paıyzǵa deıin baıaýlady», - dedi Álıhan Smaıylov Úkimet otyrysynda.
Alaıda, Úkimet basshysynyń birinshi orynbasary ortalyq jáne jergilikti atqarýshy organdar qarqyndy kóterý kerektigin basa aıtty.
«Múddeli memlekettik organdar ákimdermen birlesip, sapaly ınvestıtsııalar tartý, shaǵyn jáne orta bıznesti qoldaý sharalaryn tıimdi iske asyrý kerek. Sonymen birge, áleýmettik mańyzy bar azyq-túlik taýarlar baǵalarynyń ósýine jol bermeý jumysy óte mańyzdy», - dedi ol.
