2021 jyldyń 1-toqsanynda barlyq óńirde kirister jospary artyǵymen oryndaldy
«Memlekettik bıýdjetke 2 trln 219 mlrd teńge somasynda kirister tústi nemese jospar 111,4 paıyzǵa atqaryldy. Respýblıkalyq bıýdjetke 1 trln 351 mlrd teńge somasynda kirister tústi nemese jospar 101,2 paıyzǵa oryndaldy. Jalpy kirister boıynsha jospar 16 mlrd teńgege artyǵymen oryndaldy. Onyń ishinde salyqtar 5 mlrd teńgege atqarylmady, salyqtyq emes túsimder 20 mlrd teńgege artyq tústi», - dedi ol.
Mınıstrdiń atap ótýinshe, salyqtar boıynsha negizgi atqarylmaý somasy ishte óndirilgen taýarlarǵa salynatyn qosylǵan qun salyǵyna jáne korporatıvtik tabys salyǵyna tıesili. Іshte óndirilgen taýarlarǵa salynatyn qosylǵan qun salyǵy boıynsha jospardyń atqarylmaýyna ótken jyldyń uqsas kezeńimen salystyrǵanda qosylǵan qun salyǵyn qaıtarýdyń 2,2 esege nemese 232,6 mlrd teńgege ósýi, «Elektrondyq shot-faktýralar» aqparattyq júıesi derekterine sáıkes satý boıynsha aınalymdardyń 2 paıyzǵa nemese 525 mlrd teńgege azaıýy sebep boldy.
«Korporatıvtik tabys salyǵy boıynsha jospardyń oryndalmaýy 2021 jylǵy 1-toqsanda 753 iri salyq tóleýshi boıynsha málimdelgen avanstyq tólemder somasynyń ótken jyldyń uqsas kezeńimen salystyrǵanda 38 paıyzǵa nemese 86 mlrd teńgege azaıýyna baılanysty. Sonymen birge, jospar ımportqa salynatyn qosylǵan qun salyǵy, paıdaly qazbalar óndirýge salynatyn salyq jáne shıki munaıǵa eksporttyq keden bajy boıynsha artyǵymen oryndaldy. Jospardyń asyra oryndalýy ótken jylǵy 1-toqsanmen salystyrǵanda úshinshi eldermen ımport kóleminiń 9,4 paıyzǵa ulǵaıýyna baılanysty boldy», - dedi mınıstr.
Erulan Jamaýbaev paıdaly qazbalardy óndirý salyǵy boıynsha jospardyń asyra oryndalýyna 2019 jyldyń uqsas kezeńimen salystyrǵanda 2020 jylǵy 4 toqsandaǵy negizgi eksporttyq pozıtsııalarǵa baǵanyń ortasha 11,2 paıyzǵa ulǵaıýy áser etkenin aıtady.
«Shıki munaıǵa salynatyn eksporttyq keden bajy boıynsha negizgi asyra oryndaý eksporttyq keden bajy mólsherlemesiniń ulǵaıýymen baılanysty. Jergilikti bıýdjetterdiń kiristeri 132,1 paıyzǵa atqaryldy jáne 868 mlrd teńgeni qurady. Jospar 211 mlrd teńgege, onyń ishinde salyqtar boıynsha 189 mlrd teńgege asyra oryndaldy. Barlyq óńirde kirister boıynsha jospar artyǵymen oryndaldy», - dedi ol.
