2021 jyldan keıin Qazaqstanda dızeldik otyn tapshylyǵy oryn alýy múmkin
ASTANA. QazAqparat - 2021 jyldan keıin Qazaqstanda dızeldik otyn tapshylyǵy oryn alýy yqtımal. Bul týraly búgin Parlament Májilisiniń Ekologııa jáne tabıǵatty paıdalaný komıtetiniń keńeıtilgen otyrysynda Energetıka vıtse-mınıstri Uzaqbaı Qarabalın málim etti.
«Bizdiń saraptamalarymyz boıynsha keleshekte bizdiń elimizdiń jaǵdaıy kóterilip, ındýstrııalyq qýat qarqyn ala bastaǵan saıyn janar-jaǵarmaıdyń suranysy da arta túsedi. Máselen, 2021-2024 jyldar aralyǵynda bizde tapshylyq bolýy yqtımal, bul ásirese dızeldik otynǵa qatysty bolyp otyr», deıdi U. Qarabalın.
Onyń aıtýynsha, dızeldik otynǵa bul kezeńdegi tapshylyq shamamen 1 mln. -1,5 mln. tonna shamasynda oryn alýy yqtımal. «Al 2025 jylǵa qaraı biz ózimizdegi munaı óńdeýshi zaýyttardyń kúshin qosymsha arttyrýymyz kerek», - dedi vıtse-mınıstr.
