2021 jyldan bastap Túrikmenstan parlamenti eki palataly boldy

AShǴABAD. QazAqparat – Túrikmenstan prezıdenti Konstıtýtsııaǵa ózgerister men tolyqtyrýlar engizý týraly zańǵa qol qoıdy, dep habarlaıdy QazAqparat Túrikmenstan memlekettik aqparat agenttigine silteme jasap.

Besinshi shaqyrylym Medjlisi kezekti otyrysynyń kún tártibine shyǵarylǵan Konstıtýtsııalyq keńestiń «Túrikmenstan Konstıtýtsııasyna ózgerister men tolyqtyrýlar engizý týraly» jobasy biraýyzdan maquldanyp, qabyldandy.

Túrikmen kóshbasshysy barlyǵyn Halq Maslahaty men Medjlis qyzmetin jetildirýge qatysty «Túrikmenstan Konstıtýtsııasyna ózgerister men tolyqtyrýlar engizý týraly» Konstıtýtsııalyq Zańnyń qabyldanýymen, sondaı-aq zań shyǵarýshy qyzmetin júzege asyratyn organdardyń ekipalataly qurylymynyń qurylýymen quttyqtady.

Túrikmenstannyń «Túrikmenstan Konstıtýtsııasyna ózgerister men tolyqtyrýlar engizý týraly» Konstıtýtsııalyq Zańy 2021 jyldyń 1 qańtarynan bastap qoldanysqa engiziledi.

Osyǵan baılanysty Túrikmenstan Halq Maslahatynyń qyzmeti toqtatylady.

Konstıtýtsııalyq Zańǵa sáıkes, Túrikmenstan Ulttyq Keńesi Halq Maslahaty palatasynyń alǵashqy múshelerin Túrikmenstan prezıdenti taǵaıyndaıdy.