2021 jyldan beri izdeýde bolǵan áıel Túrkııadan Qazaqstanǵa deportatsııalandy
ASTANA. KAZINFORM – Qazaqstan Respýblıkasy Іshki ister mınıstrligi túrkııalyq áriptesterimen birlesip júrgizgen is-sharalar barysynda 2021 jyldan beri izdeýde júrgen 46 jastaǵy QR azamatyn Antalııa qalasynda ustady.
Tergeý málimetinshe, kúdikti 2018-2020 jyldar aralyǵynda sybaılastarymen birge áreket etip, senimge kirý arqyly elimizdiń 1300-den astam azamatynyń 6 mıllıard teńgeden astam qarajatyn ıemdengen.
26 maýsym kúni izdeýde júrgen áıel Túrkııa Respýblıkasynan Qazaqstan Respýblıkasyna deportatsııalandy.
Ony elge jetkizýge Qazaqstan Respýblıkasy ІІM-niń Túrkııa Respýblıkasyndaǵy ókili men Qazaqstannyń Bas konsýldyǵy eleýli qoldaý kórsetti.
Jyl basynan beri ishki ister organdarynyń qyzmetkerleri alaıaqtyq qylmystaryn jasaǵan 117 qylmyskerdi ustady. Olardyń keltirgen jalpy materıaldyq shyǵyny 17 mıllıard teńgeden asady.
Aıta ketelik terrorıstik qylmys jasady degen kúdikpen tórt adam deportatsııalanǵan edi.
