2020 jyly janýarlarǵa 150 mln ekpe jasalady - AShM

NUR-SULTAN. QazAqparat - Qazaqstannyń veterınarlyq zerthanalary shtattyq rejımde jumys isteýde, dep habarlaıdy QazAqparat Aýyl sharýashylyǵy mınıstrliginiń baspasóz qyzmetine silteme jasap.

2020 jyly Qazaqstanda 19 asa qaýipti aýrýlarǵa qarsy janýarlardy vaktsınatsııalaý boıynsha 150 mln-nan astam manıpýlıatsııa júrgizý josparlanǵan. Olardyń qataryna aýsyl, sibir jarasy, qutyrý, pasterellez, týberkýlez, UQM sheshegi, qus tumaýy, oba, juqpaly rınotraheıt jáne vırýstyq dıareıa, sondaı-aq emkar, ektıma, jylqynyń qulaǵy, rınopnevmonııa, nodýlıarlyq dermatıt, et qorektilerdiń ehınokokkozy, leptospıroz, lısterıoz, nıýkasl aýrýy, qoıdyń anaerobty enterotoksemııasy jáne bradzot kiredi.

«Vaktsınatsııalaý úshin 120 mln veterınarlyq preparat pen 30 myń lıtr dezınfektsııalyq qural satyp alynady. Búgingi kúni veterınarııalyq aldyn alý is-sharalary jospar boıynsha júrgiziledi, veterınarııalyq zerthanalar shtattyq rejımde jumys isteıdi» delingen habarlamada.

Janýarlardyń asa qaýipti aýrýlary boıynsha epızootııalyq jaǵdaı AShM turaqty baqylaýynda.