2020 jyly Túrkistan qalasy tabıǵı gazben tolyq qamtylady

TÚRKІSTAN. QazAqparat - Bıyl Túrkistan qalasynyń turǵyndarynyń 60 paıyzǵa jýyǵy tabıǵı gazben qamtylady. Al, 2020 jyly qala tolyǵymen tabıǵı gazben qamtylmaq. Bul týraly qala ákimi Álipbek Óserbaev halyq aldyndaǵy esebinde málimdedi, dep habarlaıdy QazAqparat.

«Qalany gazben qamtý 3 kezeńmen júzege asyrylýda. І kezeńniń jumystary boıynsha 10518 abonentke gaz qubyry júrgizilip, 43 myńǵa jýyq qala turǵynyna tabıǵı gaz berildi. Búginde ІІ-ІІІ kezeńniń quny 20 mlrd 271 mln teńgeni quraıtyn 11 jobasy ázirlenip, qurylys jumystary bastaldy», -dedi qala basshysy.

Sonymen qatar, qala turǵyndaryn elektr energııasymen qamtý búginde 99,8 paıyzdy qurap otyr. Esepti merzimde 2 nysannyń qurylysy aıaqtalyp, qala aýmaǵyndaǵy 1566 abonent sapaly elektr qýatymen qamtamasyz etildi.

Aıta keteıik, buǵan deıin Túrkistan oblysyna qarasty Tólebı aýdanynda úsh eldi meken kógildir otynmen qamtylǵanyn habarlaǵan bolatynbyz.