2020 jyly skrınıngpen 4 mln-nan astam bala qamtyldy
NUR-SULTAN. QazAqparat – 2020 jyly skrınıngpen 4 mln-nan astam bala qamtyldy. Bul týraly halyq aldynda esep berý kezdesýinde QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.
«Balalardyń densaýlyǵyn saqtaýdy qamtamasyz etý úshin biz olardyń skrınıngtik zertteýlerin jalǵastyramyz. 2020 jyly skrınıngpen 4 mln-nan astam bala qamtyldy, olarda 400 myńǵa jýyq aýrý anyqtaldy, onyń ishinde 151 myńnan astam adam esepke alyndy», - dedi mınıstr Ortalyq kommýnıkatsııalar qyzmetinde.
Onyń aıtýynsha, balalar kardıohırýrgııalyq qyzmetin damytý boıynsha sharalar qabyldanyp jatyr. Sońǵy 3 jylda balalarǵa 7 myńǵa jýyq kardıohırýrgııalyq aralasý júrgizildi. 2020 jyly ashyq júrekke 1 627 operatsııa, 426 endovaskýlıarlyq operatsııa jasaldy.
«Sondaı-aq, balalar onkologııalyq qyzmetin damytý jalǵasýda. 5 jyldyń ishinde 210 súıek kemigin transplanttaý júrgizildi. Qaterli isikteri bar balalardyń jalpy ómir súrý deńgeıi qazirgi ýaqytta 74% quraıdy», - dedi A. Tsoı.
