10:59, 22 Qańtar 2021 | GMT +6
2020 jyly memlekettik qyzmetterdiń sapasyna dáleldi shaǵymdar bolǵan joq
NUR-SULTAN. QazAqparat – 2020 jyly memlekettik qyzmetterdiń sapasyna dáleldi shaǵymdar oryn alǵan joq. Bul týraly QR Ádilet vıtse-mınıstri Azamat Ámirǵalıev aıtty, dep habarlaıdy QazAqparat tilshisi.
«2020 jyly memlekettik qyzmetterdi 100 paıyz «elektrondyq úkimet» portaly arqyly kórsetý boıynsha sharalar qabyldandy. 6 137 554 memlekettik qyzmet kórsetildi. Olardyń 98 paıyzy elektrondyq túrde júrgizildi. Bul 2019 jylmen salystyrǵanda 2 mıllıonǵa artyq», - dedi Azamat Ámirǵalıev mınıstrliktiń keńeıtilgen alqa otyrysynda.
Sonymen qatar, ol memleket tarapynan kórsetiletin qyzmetter boıynsha buzýshylyqtardyń sany 99,7 paıyzǵa azaıǵanyn basa aıtty.
«Memlekettik qyzmetterdiń sapasyna dáleldi shaǵymdar oryn alǵan joq», - dedi vıtse-mınıstr.
