2020 jyly memleket múddesi shamamen 2,1 mlrd AQSh dollaryna qorǵaldy
«Esep berý kezeńinde, 25 talqylaýlarda memleket múddesin qorǵaý boıynsha jumystar júrgizildi, onyń ishinde 15 – halyqaralyq tórelikterde. Jyl basyna belgilengen birqatar tyńdaý belgisiz merzimge keıinge qaldyryldy. Degenmen, QR mańyzdy birneshe sot tyńdaýlary Ádilet mınıstrliginiń ótinishi boıynsha qashyqtyqtan onlaın formatta ótkizildi. Osyǵan baılanysty 2020 jylǵy naýryz aıynda tarıhı oqıǵa boldy – Anglııanyń Joǵarǵy sotyndaǵy QR jáne Ulttyq bankiniń Statıge qarsy isi, Anglııa sot júıesiniń 900 jyldyq tarıhyndaǵy onlaın formatta júrgizilgen jáne YouTube arqyly tikeleı efırde kórsetilgen alǵash sot talqylaýy boldy», - dedi ol mınıstrliktiń keńeıtilgen alqa otyrysynda.
Onyń atap ótýinshe, jalpy alǵanda, 2020 jyly memleket múddesi shamamen 2,1 mlrd AQSh dollaryna qorǵalǵan. Máselen, ótken jyly Trıbýnal 2016 jyly kanadalyq Gold Pool kompanııasynyń talap aryzy boıynsha Qazaqstannyń paıdasyna sheshim shyǵardy jáne 917 mln AQSh dollary mólsherinde talap-aryzdy qabyldamady. 2020 jyldyń qarasha aıynda aǵylshyn soty QR apellıatsııalyq talaptaryn qanaǵattandyryp, Ýorld Ýaıd Mınerals kanadalyq kompanııanyń talaby boıynsha tórelik trıbýnaldyń buryn shyǵarǵan sheshimin joıdy. Sondaı-aq, sot QR-na jarty mıllıon AQSh dollaryna ótem berdi. Olar 2021 jyldyń 12 qańtarynda Nur-Sultan qalasynyń Qazynashylyq departamentiniń shotyna kelip tústi. Budan basqa, ótken jyly Ádilet mınıstrligii Ulttyq qor men Samuryq-Qazynanyń aktıvterin zańsyz qamaýǵa alýmen baılanysty Statı isi boıynsha Respýblıka úshin mańyzdy sheshimder shyǵarýǵa qol jetkizdi.
«2020 jylǵy 22 sáýirde aǵylshyn soty Qazaqstannyń paıdasyna sheshim shyǵaryp, Ulttyq qordyń aktıvteri Statıdiń talaby boıynsha tyıym salynbaıdy dep qaýly etti. Sonymen qatar, sot Statıge Ulttyq bankke jáne Qazaqstan Respýblıkasyna 3,7 mln AQSh dollarynan astam mólsherindegi sot shyǵyndaryn tóleýge mindettedi. Qazirgi ýaqytta Nıderlandyda, Shvetsııada, Lıýksembýrgte, Belgııada jáne Ulybrıtanııada oryndaý protsessteri alynyp tastaldy jáne toqtatyldy», - dedi Almat Madalıev.