2020 jyly Mańǵystaýda toǵyz jańa balabaqsha salynady

AQTAÝ. QazAqparat - Bıyl Aqtaýda jekeshelik-memlekettik áriptestik aıasynda 9 balabaqsha salynady. Bul týraly bilim basqarmasynyń basshysy Asqar Seıdalıev málimdedi, dep habarlaıdy Qazaqparat tilshisi.

Bilim nysandary Shyǵys-1, 32, 34-shaǵynaýdandar men jańa turǵyn-úı keshenderi janynan ashylmaq. Sondaı-aq, 2 mekteptiń qurylysy da bastalady.

Óńir tabıǵı ósim jaǵynan elimiz boıynsha kósh bastap tur. Tıisinshe, oblysta 3 aýysymdy mektepter sany da azaımaı otyr. Máselen, oblys boıynsha byltyr 6 bilim ordasynda oqýshylar úsh aýysymda oqysa, bıyl 9 mektep osy júıege kóshken. Osyǵan oraı, mektep pen balabaqsha sanyn kóbeıtý josparlanyp otyr.

Jekeshelik-memlekettik áriptestik arqyly ashý qolaıly sanalady. Sońǵy 3 jylda 90 balabaqsha osylaı salynsa, byltyr Aqtaýda 3 kópfýnktsıonaldy sportzal ashylyp, 5 balabaqsha kúrdeli jóndeýden ótken. Nátıjesinde balabaqshada kezek azaıyp, 3-6 jastaǵy bala sany 100% qamtylǵan. Bıyl da túrli jobalar josparlanyp otyr.

«Munaıly men Aqtaý qalasy. Statıstıkalyq analız boıynsha balalardyń sany aldymyzdaǵy 5 jylda 212 myń oqýshyny quraıdy. Árıne, mektepter, balabaqsha tapshylyǵy bolyr tur. Aldaǵy ýaqytta 31 jekeshelik-memlekettik jobany júzege asyrýdy josparlap otyrmyz. Aqtaý qalasynan, onyń ishinde 2240 oryndyq 9 balabaqsha, 600 oryndyq 2 mektep qurylysy jáne 20 mekteptiń ashanalaryn senimgerlikke berý. Qujattary daıyn»,-deıdi Asqar Seıdalıev.