2020 jyly «Qytaı-Eýropa» temirjol ekspresimen 10 myńnan astam júk poıyzy ótti

BEIJІŃ. QazAqparat – Ótken jyly «Qytaı-Eýropa» temirjol ekspresi boıynsha 10 myńnan astam júk poıyzy jóneltildi. Bul rette, 2020 jyldyń 10 aıyndaǵy júk aınalymy 2019 jylǵy jalpy kólemnen asyp túsken. Bul týraly «QazAqparat» HAA menshikti tilshisi «Xinhua» agenttigine silteme jasap habarlaıdy.

«2020 jyly «Qytaı-Eýropa» temirjol ekspresi boıynsha 10 myńnan astam júk poıyzy jóneltildi», - dedi QHR Syrtqy ister mınıstri Van I «Xinhua»-ǵa bergen suhbatynda.

SІM basshysy atap ótkendeı, Qytaı «Bir beldeý, bir jol» bastamasy jáne ózge elderdiń damý strategııalary arasyndaǵy sınergııany tereńdetý jolynda barlyq tarappen yntymaqtastyqta jumys isteıtin bolady.

«Baılanystardy nyǵaıtyp, ekonomıkalyq qyzmetti jandandyrý arqyly, sondaı-aq densaýlyq saqtaý, tsıfrlyq ekonomıka jáne «jasyl» damý syndy ósimniń jańa draıverleriniń áleýetin qoldana otyryp, anaǵurlym sapaly yntymaqtastyqqa qol jetkize alamyz dep oılaımyn», - dedi Van I.

Eske salaıyq, Qazaqstan men Qytaı arasynda «Nurly jol» Jańa ekonomıkalyq saıasatyn jáne «Jibek joly ekonomıkalyq beldeýi» qurylysyn toǵystyrý boıynsha birlesken jumystardyń jańa baǵyttary aıqyndalǵan. Atalǵan eki jobada da basymdyqty salalarǵa kólik jáne logıstıka, ónerkásip, energetıka jáne basqalary jatady.