2020 jyly Qazaqstannyń halyqaralyq rezervteri 4 paıyzǵa ósti
NUR-SULTAN. QazAqparat – 2020 jyly Qazaqstannyń halyqaralyq rezervteri 4 paıyzǵa ósti. Bul týraly QR Parlamenti palatalarynyń birlesken otyrysynda Premer-Mınıstr Asqar Mamın aıtty, dep habarlaıdy QazAqparat tilshisi.
«Ótken jylǵy kúrdeli jaǵdaıǵa qaramastan, jyldyq ınflıatsııanyń 7,5 paıyz, jumyssyzdyq 4,9 paıyz deńgeıinde bolýyn qamtamasyz ettik. Bul kórsetkishter jalpy álemdik kórsetkishterge qaraǵanda aıtarlyqtaı jaqsy. Halyqaralyq rezervter 4 paıyzǵa ósip, 94,3 mlrd dollardy, al altyn-valıýta rezervteri 23,1 paıyzǵa ósip, 35,6 mlrd dollardy qurady. Ulttyq qordyń sheteldik valıýtadaǵy aktıvteri 58,7 mlrd dollardy qurap otyr», - dedi Premer-Mınıstr.
Úkimet basshysynyń dereginshe, álemdik taýar naryqtarynda suranys pen baǵa tómendeý saldarynan syrtqy saýda aınalymy 85 mlrd dollar deńgeıinde qalyptasty. Onyń ishinde eksport – 47 mlrd jáne ımport 38 mlrd dollar boldy.
«Syrtqy saýdada 8,9 mlrd dollar deńgeıinde oń saldo saqtaldy», - dedi Asqar Mamın.
