2020 jyly qazaqstandyq bıznes EAEO aıasynda 8 iri tosqaýylǵa tap bolǵan
Ashyq úkimet portalynda ótken onlaın konferentsııada Saýda jáne ıntegratsııa vıtse-mınıstri Janel Kýshýkova osyndaı málimet aıtty.
«Ókinishke qaraı, EAEO aıasyndaǵy ıntegratsııanyń 2021 jylǵy ekonomıkalyq áserin aqshalaı balamada eseptep shyǵarý ázirge múmkin emes. Bul rette 2020 jyly EAEO ishki naryǵynda qazaqstandyq bıznes úshin aýyr sezilgen 8 tosqaýyl joıylǵanyn mysalǵa keltirýge bolady. Osy tosqaýyldardan kelgen shyǵynnyń jalpy quny 100 mıllıon dollarǵa baǵalandy. Bul jobalap baǵalaýdyń nátıjesinde shyǵarylǵan sandar ekenin túsiný kerek. Shyn máninde tosqaýyldardyń ekonomıkalyq áseri 100 mln dollarda kóp te, az da bolýy múmkin», - dedi Janel Kýshýkova Ashyq úkimet portalynyń qoldanýshysyna bergen jaýabynda.
Mınıstrdiń orynbasary bıyl Qazaqstannyń atalmysh odaqqa tóraǵalyq etip jatqanyn eske salyp, sonyń aıasynda kedergilerdi joıýdyń quqyqtyq negizin jáne aqparattyq-taldamalyq súıemeldeýdi jetildirýge kúsh salyp jatqandaryn baıandady.
«Aqpan aıynyń basynda biz kedergilerdi bólý jáne joıý ádisnamasynyń jetildirilgen jobasyn bekittik. Osynyń arqasynda kedergilerdi jikteý men baǵalaý merzimin 2 aıǵa qysqarttyq. Sondaı-aq odaqqa múshe memleket qabyldaǵan kedergini tosqaýyl dep tanýdyń jańa tetigin egizdik», - deıdi vıtse-mınıstr.
Vıtse-mınıstrdiń sózine qaraǵanda, bıznespen tikeleı dıalog ornatý úshin atalmysh vedomstvo Qazaqstannyń EAEO men Dúnıejúzilik saýda uıymyna múshe bolýy taqyrybynda óńirlerde qoǵamdyq qabyldaý ótkizip, osy iske arnalǵan aqparattyq ınternet-portal qurý josparlanǵan eken.
«Qazaqstandyq eksporttaýshylarǵa aýyr tıip júrgen kedergilerdi joıý týraly is-sharalar jospary bar. Sonymen qatar, EAEO-nyń ishki naryǵyndaǵy kedergilerdi joıý máseleleri jónindegi vedomstvoaralyq jumys toby bekitildi. Byltyrdan bastap kedergilerdi joıý jumystaryna jergilikti atqarýshy organdardy tarta bastadyq. Bul otandyq óndirýshiler tap bolyp otyrǵan problemalardy naqty pysyqtaýǵa múmkindik beredi», - dep túıindedi Janel Kýshýkova.
