2020 jyly Qazaqstandaǵy barlyq 10 arnaıy ekonomıkalyq aımaqtyń ınfraqurylymy salynyp bitedi
ASTANA. QazAqparat - 2020 jyly Qazaqstandaǵy barlyq 10 arnaıy ekonomıkalyq aımaqtyń (AEA) ınfraqurylymdary salynyp bitedi. Bul týraly Ortalyq kommýnıkatsııalar qyzmetinde ótken brıfıngte «KAZNEX INVEST» AQ basshysynyń orynbasary Almas Aıdarov málim etti.
«Tikeleı ınvestıtsııalardy tartýdyń jalpy júıesinde arnaıy ekonomıkalyq aımaqtardyń mańyzy óte joǵary. Qazaqstanda ondaı 10 aımaq bar. Indýstrıalandyrý jyldarynda biz AEA negzgi - ınfraqurylymdardy salý máselesin sheshtik. Búginde 10 AEA aýmaǵynda tolyq ınraqurylymmen qamtamasyz etilgen ýchaskeler bar jáne olar ınvestorlardy qabyldaýǵa daıyn», - dedi ol.
A.Aıdarovtyń sózine qaraǵanda, 2020 jylǵa qaraı barlyq 10 arnaıy ekonomıkalyq aımaqtyń ınfraqurylymy qalyptasyp bitedi.
«Sonymen qatar, bıyl biryńǵaı úılestirýshi ortalyq qurý boıynsha jumystar jasalady. Ol barlyq 10 aımaqty halyqaralyq standarttardy engizý boıynsha jumystaryn birortalyqtandyrýǵa septigin tıgizedi», - dedi A.Aıdarov.
