2020 jyly Qazaqstanda 109,2 mln tonna kómir óndirildi

NUR-SULTAN. QazAqparat - 2020 jyly elimizdiń kómir óndirýshi kompanııalary 109,2 mln tonna kómir shyǵardy. Bul týraly QR Indýstrııa jáne ınfraqurylymdyq damý mınıstrliginen málim boldy, dep habarlaıdy QazAqparat.

«Energııa óndirýshi kásiporyndarǵa 58,8 mln tonna kómir tıeldi, bul 2019 jylmen salystyrǵanda 2,6 paıyzǵa artyq. Ónerkásip kásiporyndaryna 5,6 mln tonna kómir jóneltildi, sondaı-aq kommýnaldyq-turmystyq qajettilikterge jáne halyqqa 10,6 mln tonna kómir tıeldi. Kómir eksporty shamamen 29,3 mln tonnany qurady», - delingen vedomstvo málimetinde.

Esterińizge sala keteıik, 2020-2021 jyldardaǵy kezeńde kommýnaldyq-turmystyq qajettilikter jáne halyq úshin kómir ónimi qajettiliginiń qalyptasqan josparyna sáıkes, tutyný kólemi shamamen 10 mln tonnany qurady. Onyń ishinde kommýnaldyq-turmystyq sektorǵa shamamen 2,8 mln tonna, turǵyndarǵa 7,2 mln tonnasy tıesili.

2021 jylǵy 15 qańtardaǵy jaǵdaı boıynsha jalpy josparǵa qatysty kómir qorymen qamtamasyz etý mynadaı kórsetkishterdi quraıdy:

-kommýnaldyq-turmystyq sektor - 93,4%;

-turǵyndar - 99,5%.

Aqtóbe, Almaty, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Pavlodar oblystarynyń jáne Almaty men Shymkent qalalarynyń ákimdikteri kommýnaldyq-turmystyq sektor úshin kómir jetkizýdi tolyq qamtamasyz etti.

«Sonymen qatar, Batys Qazaqstan, Qyzylorda, Aqmola, Shyǵys Qazaqstan, Qostanaı, Jambyl, Pavlodar oblystarynyń, Shymkent, Almaty jáne Nur-Sultan qalalarynyń ákimdikteri halyqqa kómir jetkizýdi tolyq qamtamasyz etti», - dep atalyp ótken mınıstrlik habarlamasynda.