2020 jyly Qazaqstan jylýdyń 20 paıyzyn gazdan almaq
ASTANA. QazAqparat - Qazaqstandaǵy jylý elektr ortalyqtary 2020 jyly energııanyń 20 paıyzyn gazdan alatyn bolady.
Bul týraly búgin Astanada Azııa damý banki Basqarýshylar keńesiniń 47-otyrysynda QR Qorshaǵan ortany qorǵaý jáne sý resýrstary mınıstri Nurlan Qapparov málim etti.
«2020 jyly iri qalalarda kómirmen jumys jasaıtyn jylý elektr stansalaryn almastyratyn gaz elekt stansalarynyń úlesi jıyrma paıyzǵa jetedi, 2050 jyly - 30 paıyz», - dedi ol.
Onyń sózine qaraǵanda, Astanada EXPO-2017 sharasynyń ótkiziletin merziminde jel jáne kún elektr stansalarynyń úlesi 3 paıyzǵa deıin kóterilmek.
«Balamaly energııanyń, sonyń ishinde atom jáne sý elektr stansalarynyń úlesi 2030 jyly 20 paıyzǵa, 2050 jyly 50 paıyzǵa deıin jetkiziledi», - dep atap ótti N.Qapparov.
