2020 jyly Qazaqstan eń qolaıly logıstıkalyq klımatqa ıe 40 eldiń qataryna enýdi josparlaýda
Bul týraly búgin Astana ekonomıkalyq forýmynda «Qazaqstan temir joly» UK» AQ prezıdenti Asqar Mamın málim etti.
Qazaqstan ishki joldardy belsendi damytyp, ony Eýrazııalyq avtomobıl joldarymen baılanystyryp jatyr. «Batys Eýropa - Batys Qytaı» qurlyqaralyq dálizi Qytaıdan Eýropaǵa júk tasymaldaý ýaqytyn eleýli qysqartýǵa jol ashady. Aldaǵy 6 jylda 9 813 shaqyrym joldy salý josparlanýda. Oǵan shamamen 10 mlrd. AQSh dollary ınvestıtsııa qajet», - dep atap ótti ol.
Onyń sózine qaraǵanda, Qazaqstan qazirgi ýaqytta óńirde jumys jasap jatqan Búkilálemdik bankpen, Azııa damý banki, Eýropanyń qaıta qurý jáne damý banki, BUU, TRASEKA uıymdarymen tyǵyz qarym-qatynas ornatqan.
«Búkilálemdik bankpen birge biz LPI Logıstıkanyń tıimdi ındeksiniń 6 kórsetkishi boıynsha elimizdiń logıstıkalyq júıesin jetildirýge baǵyttalǵan sharalardy qolǵa alýdamyz. Bizdiń maqsatymyz - 2020 jyly eń qolaıly logıstıkalyq klımatqa ıe 40 eldiń qataryna ený. Infraqurylym aktıvterine salynatyn ınvestıtsııalardyń jalpy kólemi 32,4 mlrd. dollardy quramaq», - deıdi A.Mamın.
