2020 jyly halyqaralyq ekonomıkaǵa áser etetin úsh faktor – Le Monde
NUR-SULTAN. QazAqparat - Le Monde basylymynyń ekonomıkalyq sholýshysy Fılıpp Eskandtyń aıtýynsha, 2020 jyly álemdik ekonomıkanyń turaqsyzdyǵyna Taıaý Shyǵystaǵy qaqtyǵystar, AQSh pen Qytaı arasyndaǵy saýda soǵysy, klımattyń ózgerýine qarsy narazylyqtar áser etedi.
«Halyqaralyq ekonomıkaǵa eń aldymen Donald Tramptyń Kasem Sýleımanıdi óltirý týraly sheshimi áser etedi. Iran munaıdyń ortalyǵy sanalatyn Parsy shyǵanaǵynyda beı-bereketsizdik ornata alady. Qazirdiń ózinde munaı baǵasy tómendep jatyr. Bul halyqaralyq ekonomıkany túbegeıli ózgertýi yqtımal», dep jazady avtor.
Onyń aıtýynsha, halyqaralyq ekonomıkaǵa áser etetin ekinshi faktor - AQSh pen Qytaıdyń saýda soǵysy.
«Otyz jylǵa sozylǵan jahandanýdan keıin kedeılikten qutylǵan Qytaı endi batys tehnologııasynsyz ómir súre alatynyna senimdi. 2017 jyldan bastap eki eldiń arasyndaǵy tikeleı ınvestıtsııa 60 paıyzǵa azaıdy», - dep jazady basylym.
Avtor halyqaralyq ekonomıkaǵa áser etetin úshinshi faktor retinde adamdardyń ózin ataǵan.
«Adam óz ózine qaýip tóndiredi. Aýstralııadaǵy órt tabıǵattyń kek qaıtara alatynyn kórsetip turǵandaı. Klımattyń ózgerýi men oǵan baılanysty qubylystarǵa adamzat birigip kúrese bastaıdy, degenmen bul da ekonomıkaǵa aıtarlyqtaı áser etedi», deıdi avtor.
